Globos e máis globos no Curso de Globoflexia

O luns 15 e martes 16 levouse a cabo na Escola das Utopías un Curso de Iniciación á Globoflexia, con 10 alumnas e alumnos.

Durante as catro horas que durou a acción formativa as e os participantes aprenderon unha manchea de figuras con globos, a metodoloxía para confeccionar tales figuras, trucos ...

Este foi un cursiño de iniciación para acadar uns rudimentos básicos ó cal lle seguirá nos seguintes meses algúns cursos de especialización e perfeccionamento.

O curso foi impartido por Fernando Carballido, especialista en este tipo de técnicas.

Cheo total no Curso de Comunicación Básica en Lingua de Signos

Durante toda esta semana estase a desenvolver o Curso "Comunicación Básica en Lingua de Signos" na Escola das Utopías, coa participación de catorce alumnas, e impartido por Irene Iñiguez e Gema Santos.

Neste curso, a través de dinámicas e exercicios específicos apréndense os rudimentos básicos para establecer unha comunicación na lingua de signos, que moitas persoas utilizan, especialmente a comunidade xorda.

Da mesma maneira que na aprendizaxe dun idioma nova neste curso vaise dar información funcional para poder manter un conversa: alfabeto dactilológico, léxico, principais mensaxes ...

O curso ten unha duración de 12 horas é ten un carácter de iniciación, coa pretensión de continuar nos meses seguintes con acción formativas de perfeccionamento.

Xa están dispoñibles os Cursos da Escola das Utopías para Outubro

Xa podedes apuntarvos ós cursos monográficos da Escola das Utopías para o mes de outubro. Son os seguintes:

Curso de "Comunicación Básica en Lingua de Signos", do 8 ó 11 de Outubro.
Curso de "Iniciación á Globoflexia", 15 e 16 de Outubro.
Curso de "Iniciación á Orientación e Xeocaching", do 22 ao 26 de Outubro.

Para máis información podedes chamar ó 647.488.688 ou escribir un correo electrónico a escoladasutopias@gmail.com

Risas de escándalo no Obradoiro de Risoterapia

Dende o luns 16 ato o venres 20 de Xullo desenvolvese na Escola das Utopías un Obradoiro de Risoterapia  impartido por Pedro Brandariz.

No curso están inscritas 10 alumnas/os que coa gran predisposición que traen e coas dinámicas da risa acadan enormes gargalladas. A través dos xogos e exercicios as participantes recuperan a capacidade de xogar como cando eran nenas/os e sobre todo, o optimismo vital que tanta falla fai.

Os Obradoiros de Risoterapia son unha actividade moi en boga e que a equipa da Escola das Utopías, xunto con DINAMO Xestión de Actividades Socioculturais desenvolvemos por toda Galicia.

Se estades interesadas/os no vindeiros cursos da Escola das Utopías ou queres organizar algunha actividade na túa vila, aldea ou cidade non dubides en chamar ó 647.488.688.

A Escola das Utopías na Cadena Ser e na Radio Galega

Aquí vos deixamos varias entrevistas que nos fixeron sobre o proxecto da Escola das Utopías. Na Cadena Ser e na Radio Galega.

A Escola das Utopías no Programa "Hoy por Hoy A Coruña" da Cadena Ser (09-07-12)
Ir a descargar
A Escola das Utopías no Programa "Un Sitio á Sombra" da Radio Galega (14-07-12)
Ir a descargar

A Escola das Utopías no Ideal Galego

Aquí vos deixamos o recorte de prensa no que A Escola das Utopías aparece no Ideal Galego. Desta volta foi polo Curso de Contacontos.

Aberto o prazo de inscrición para o Obradoiro de Risoterapia

Xa está aberto o prazo de inscrición para o Obradoiro de Risoterapia que organizamos dende A Escola das Utopías.

O Obradoiro será dinamizado por Pedro Brandariz, cómico galego que xa ten desenvolvido numerosos cursos e obradoiros deste tipo.

O prazo de inscrición remata o sábado 14 de xullo. Todas as persoas interesadas poden chamar ao 647.488.688 ou escribir un correo electrónico a escoladasutopias.blogspot.com

Xa comezou o Curso de Contacontos

Hoxe luns 9 de Xullo comezou no local da "Escola das Utopías" o Curso de Contacontos, impartido por Caxoto Contacontos.


Cubríronse todas as prazas dispoñibles e comezaron o curso trece alumnas e alumnos que estarán ata o próximo venres traballando de 20:00 a 22:00. 


Aprenderán as técnicas básicas da narración oral, a creación de historias, a presenza escénica, a composición e estrutura dos contos, os trucos para captar a atención das nenas e nenos ...


E para a semana comezará no mesmo espazo o Obradoiro de Risoterapia, impartido por Pedro Brandariz. Curso para o cal xa está aberto o prazo de inscrición.


Para máis información podedes chamar ó 647.488.688 ou ó 981.902.772. Tamén escribindo un correo electrónico a escoladasutopias@gmail.com

Xa vos podedes inscribir nos Cursos de Xullo

Dende A Escola das Utopías queremos presentarche os primeiros cursos de caracter escénico e sociocultural que imos organizar no mes de Xullo. Trátase de cursos monográficos que teñen unha duración de 10 horas, repartidas en cinco días dunha semana.

O Curso de Contacontos será impartido por Caxoto Contacontos, un dos grandes narradores orais de Galicia.O Obradoiro de Risoterapia irá a cargo dun dos cómicos galegos máis emerxente e gran experto nesta disciplina, Pedro Brandariz. E por último o Curso de Maquillaxe Infantil levarao a cabo Lorena Cambón, que ten unh gran experiencia neste eido.

Para máis información podedes chamar ó 647.488.688 ou escribir un correo electrónico a escoladasutopias@gmail.com

Se queres descargar a Ficha de Inscrición pincha aquí

Atópanos, contáctanos, chámanos ...

Aquí che deixamos todas as formas de contactar con nós:

Por teléfono no 647.488.688 ou no 981.902.772

Por correo electrónico: escoladasutopias@gmail.com

Tamén no Facebook: A Escola das Utopías

E se queres vir ó local, para visitarnos ou facer algún dos cursos estamos na

Rúa Manuel Deschamps, Nº5. A Coruña.

(moi pretiño do cruce da Ronda de Outeiro e a rúa Peruleiro)

A Escola das Utopías. O proxecto

A Escola das Utopías é unha Asociación Cultural que nace na Coruña no ano 2012 co obxectivo primordial de ofrecer un proxecto de formación de carácter sociocultural, escénico  e artístico de calidade.

Arredor deste colectivo xiramos un grupo de profesionais interdisciplinares que poñeremos a disposición os nosos coñecementos para que todas aquelas persoas interesadas poidan formarse nos eidos citados con anterioridade.

Os nosos tres obxectivos primordiais son os seguintes:

*Que as persoas interesadas nas artes escénicas, plásticas,…  poidan realizar actividades de iniciación e descubrimento.

*Que as persoas con experiencia nos eidos artísticos poidan completar a súa formación con actividades e propostas de calidade

*Que as persoas que traballan no eido sociocultural dispoñan dunha formación específica que as e os capacite para o seu día a día.